Futbolçumuz Portuqaliya klubuna transfer olunub

“Burada olduğum üçün çox xoşbəxtəm”. “Report”un məlumatına görə, bunu Azərbaycanyığması və “Sumqayıt” klubunun futbolçusu Budaq Nəsirov Portuqaliya “Sportinq”inə keçidini dəyərləndirərkən deyib.
O, yeni komandasına kömək etmək istədiyini bildirib: “Sportinq”in məhz məni seçməsi faktını və burada mənə daim dəstək olmalarını yüksək qiymətləndirirəm. Menecerim bir neçə variantı nəzərdən keçirirdi. Mənə bu variantı dedikdə, sevincimin həddi-hüdudu yox idi. Çünki “Sportinq” Avropanın ən yaxşı klublarındandır”.
Nəsirov hələ portuqalca danışa bilmədiyini, amma bu dili tez öyrənməyə çalışacağını söyləyib. Amma o, daha çox oyun keyfiyyətini yüksəltmək niyyətində olduğunu bəyan edib: “İstərdim ki, məni tanıyan insanlar oyunlarıma gəlsinlər. Meydanda ən yaxşısını edəcəyimə zəmanət verə bilərəm. Bu, həm məşqlərə, həm də yoldaşlıq görüşləri və rəsmi matçlara aiddir. Çünki bütün layihələrdə ürəyimi qoymuşam”.
Qeyd edək ki, “Sportinq” Budaq Nəsirovla sonradan 2021-ci ilədək uzadıla bilməsi şərtilə gələn mövsümün sonunadək müqavilə bağlanılıb.

 

 

Bastainfo.com

One thought on “Futbolçumuz Portuqaliya klubuna transfer olunub

Bir cavab yazın