Qaçqınlar Dərnəgüldə yolu kəsdilər – AKSİYA

Bu gün saat 10:30 Dərnəgüldə yaşayan məcburi köçkünlər aksiya keçiriblər. Bu haqda “Basta”ya hadisənin şahidi olmuş oxucumuz Elnur Sabitoğlu məlumat verib.

Etirazın səbəbi onların yaşadığı binanın elektrik enerjisinin qeyri-sabit olması, işıqlarının qəfildən güclənməsinə görə elektrik avadanlığının sıradan çıxmasıdır. Binanın sakinləri bununla əlaqədar dəfələrlə əlaqədar orqanlara şikayət etsələr də, problem çözülməyib.

Aksiya iştirakçıları “Elit” ticarət mərkəzindən “Clear” otelinə qədər olan ərazidə yolu bağlayıblar. Hadisə yerinə çoxlu sayda polis əməkdaşı gəlib. Aksiyaçılara problemin həll olunacağına dair vəd verilib və yol açılıb.

Bastainfo.com

Bir cavab yazın