Əli İnsanovun 50 minlik şikayətinə ‘yox’ deyildi

Bakı Apellyasiya Məhkəməsində keçmiş səhiyyə naziri Əli İnsanovun Nəsimi rayon İcra Şöbəsinə qarşı iddiası üzrə şikayətə baxılıb. Apellyasiya şikayəti 1 saylı Bakı İnzibati-İqtisadi Məhkəməsinin iyulun 19-da çıxardığı qərardan verilib. Məhkəmə Ə.İnsanovun icra şöbəsinə qarşı qaldırdığı iddianı təmin etməyib. Sabiq nazir də bundan narazı qalıb və yuxarı instansiyaya şikayət edib.

Ə.İnsanov prezidentin köməkçisi Tariyel Ağayevin qızı Vəfa Əlizadənin ona 50 min manat qaytarmalı olduğu barədə məhkəmə qərarının icra olunmamasına görə Nəsimi rayon İcra Şöbəsini məhkəməyə verib. V.Əlizadə keçmiş nazirin mülkiyyəti olan qarajı ondan və ailə üzvlərindən xəbərsiz öz adına keçirib və satıb. Məsələdən xəbər tutandan sonra Ə.İnsanov onu məhkəməyə verib.

Nəsimi rayon Məhkəməsi də 2015-ci ilin mayında V.Əlizadənin keçmiş nazirə 50 min ödəməsi barədə qətnamə çıxarıb. Amma qətnamə bu günə qədər icra olunmayıb. İnsanovun vəkilləri «Dekabank»da V.Əlizadənin səhmlərinin olduğunu əsas gətirərək, qərarın icrasını təmin etmək məqsədilə onların üzərinə həbs qoyulması üçün məhkəməyə müraciət edib. Məhkəmənin bu barədə qərardadı da icra olunmayıb.

Bütün bunlara görə, Ə.İnsanov icra şöbəsindən mənəvi ziyana görə 50 min manat, həmçinin bu qurumun üzərinə üç gün ərzində qərarın icrası vəzifəsinin qoyulmasını istəyir.

Oktyabrın 13-də Bakı Apellyasiya Məhkəməsində bu işə Kəmalə Abıyevanın sədrlik etdiyi hakimlər kollegiyası baxıb. Tərəflərdən heç biri – nə Ə.İnsanovun vəkili Ağaveyis Şahverdi, nə də icra şöbəsinin nümayəndəsi məhkəməyə gəlməyib. Məhkəmə tərəflərə xəbər verildiyini əsas gətirib, onların iştirakı olmadan işə baxıb. Qısa müşavirədən sonra apellyasiya şikayətinin təmin olunmadığı elan edilib.(azadliq.org)

 

 

Bastainfo.com

2 thoughts on “Əli İnsanovun 50 minlik şikayətinə ‘yox’ deyildi

  • 30.11.2016 at 22:00
    Permalink

    203293 244462Excellent read, I just passed this onto a colleague who was doing a little research on that. And he actually bought me lunch because I found it for him smile So let me rephrase that: Thanks for lunch! 957192

    Reply
  • 02.12.2016 at 10:07
    Permalink

    excellent put up, very informative. I ponder why the other experts of this sector don’t notice this. You should continue your writing. I am confident, you have a huge readers’ base already!|

    Reply

Bir cavab yazın

Sizin e-poçt ünvanınız dərc edilməyəcəkdir.

%d bloqqer bunu bəyənir: