Mərkəzi Bank bilgiləri gizli tutur

Mərkəzi Bank hərraclarda təklif edilən valyutanın həcmini açıqlamaq istəmir.

Bank “Turan” Agentliyinin hərraclara çıxarılan valyutaların məbləği barədə informasiya sorğusunu cavablandırmayıb.

“Yəqin işlər yaxşı getmir”

Ekspertlərə görə, sözügedən informasiyaların açıqlanmaması qanuni deyil.

 Maliyyə eksperti hesab edir ki, bu, ilk növbədə manatın durumunun yaxşı olmaması ilə əlaqəlidir.Əkrəm Həsənov 

“Yəqin işlər yaxşı getmir və qeyri-şəffaflıq bununla bağlıdır. Deməli, gizləməli nəsə var. Valyutanın məzənnəsi inzibati yolla müəyyən olunur. Hərrac oyundur. Yoxsa, informasiya açıq olardı. Hərrac haqda bütün informasiya açıqalansa, məlum olar ki, valyutanın məzənnəsi sünidir”, deyə ekspert bildirib.

“Qanunvericilik pozulur”

Hüquqşünas Xalid Ağaliyev isə bir müddət əvvələ qədər bu informasiyaların açıq tutulduğunu, Mərkəzi Bankın internet resursu vasitəsilə yayıldığını yada salıb.

 O, deyib ki, bu, “İnformasiya əldə edilməsi haqqında” qanunun tələbidir.

“Belə bilgilər statistik bilgilər kateqoriyasına aid edilə bilər. Biz bankın illik hesabatında yəqin ki, həmin informasiyaları görə biləcəyik. Odur ki, həmin informasiyaların gizli tutulması qanuni deyil. Mərkəzi Bank onları açıq tutmalı, öz saytı vasitəsilə yaymalıdır”, X.Ağaliyev bildirib.

Oktyabrın əvvəlində valyuta hərraclarının keçirilməsi ilə bağlı yeni qaydalar qüvvəyə minib.

Həmin qaydalara əsasən, hər bir hərrac barədə ayrıca məlumat verilmir. Mərkəzi Bank yalnız manatın məzənnəsi, hərracın başlanması və sonu barədə məlumat verir.

 Mərkəzi Bank və Neft Fondunun hərracda təklif etdiyi valyuta həcmi açıqlanmır.

Yeni qaydalara qədər valyuta bazarının daha şəffaf olduğu bildirilir. Belə ki, sentyabrda 8 hərrac keçirilib.

731 milyon (631 mln. Neft Fondu, 100 mln. Mərkəzi Bank) dollar satılıb. Sentyabrda dollara tələbin bundan yüksək olduğu bildirilir.(azadliq.org)

 

Bastainfo.com 



This post has been seen 19 times.

2 thoughts on “Mərkəzi Bank bilgiləri gizli tutur

  • 03.12.2016 at 00:47
    Permalink

    It’s great that you are getting thoughts from this paragraph as well as from our argument made at this place.|

    Reply
  • 07.12.2016 at 15:37
    Permalink

    Just wish to say your article is as astonishing. The clearness on your post is just great and that i can think you’re a professional in this subject. Well together with your permission allow me to take hold of your feed to stay updated with drawing close post. Thanks 1,000,000 and please continue the gratifying work.|

    Reply

Bir cavab yazın

Sizin e-poçt ünvanınız dərc edilməyəcəkdir.

%d bloqqer bunu bəyənir: