Gülnarənin 850 milyon dollarının taleyi…

ABŞ məhkəməsi mərhum eks-prezident İslam Kərimovun qızı Gülnarə Kərimovanın 850 milyon dolların taleyini məhkəməsiz çözmək üçün Amerika və Özbəkistan vəkillərinə daha 3 ay vaxt verib.

Virtualaz.org xəbər verir ki, Bu vəsait  Gülnarə Kərimovaya bağlı ofşor firmalara məxsus olub və korrupsiya şübhəsi üzrə araşdırmalar nəticəsində Qərb banklarında dondurulub. Söhbət “TeliaSonera”nın Özbəkistan bazarına girmək üçün G.Kərimovaya yüz milyonlarla dollar rüşvət verməsi işi üzrə aparılan təhqiqatdan gedir.

Nyu York Federal Məhkəməsi hakimi Endryu Karter Gülnarə Kərimovaya məxsusluğu bildirilən pulların taleyinə qərara vermək üçün aparılan danışıqların vaxtını gələn il yanvarın axırınadək artırıb. ABŞ məhkəməsi Özbəkistan hakimiyyəti ilə aparılan yarımillik danışıqların nəticəsiz bitdiyini müəyyənləşdirib.

Həmin məbləğdən  550 milyon dolları İsveçrə bankında, qalanı Belçika, İrlandiya və Lüksemberq banklarındakı hesablarda həbs edilib.

 

Bu ilin yanvarında ABŞ ədliyyəsi Gülnarə Kərimovanı rüşvət yolu ilə varlanmaqda suçlayaraq, onun 600 milyon dollardan çox aktivini dondurub. ABŞ Ədliyyə Nazirliyi bu vəsaiti öz sərəncamına keçirməkdən ötrü qanuni prosedurlara başlayıb.Ardınca Özbəkistan hakimiyyəti ABŞ Ədliyyə Nazirliyinə müraciət edərək bildirib ki, ölkə böyük korrupsiyaçı dəstənin qurbanı olduğundan, həmin vəsait ölkəyə qaytarılsın.

Bu ilin mayında Nyu York Məhkəməsi ABŞ və Özbəkistan hakimiyyətlərinə 3 ay vaxt verib ki, danışıqlar apararaq, problemi məhkəmədənkənar həll etsinlər. Gülnarə Kərimovanın hesablarındakı 850 milyon dolların taleyini çözmək üçün məhkəmə iyulda daha 3 ay vaxt verib. Oktyabrın sonunda 2-ci müddət də başa çatıb.

“Azadlıq” radiosunun Vaşinqtondakı eksperti Mayk Ekkelin fikrincə, ABŞ dondurulmuş pulların Özbəkistan hakimiyyətinə qaytarılmasına meyllidir, ancaq bu vəsaiti kimin alacağından, ondan necə istifadə ediləcəyindən, vəsaitin xərclənməsinə nəzarətin kim tərəfindən və necə aparılacağından narahatdır. Ekspert deyir ki, danışıqlar zamanı Özbəkistan hakimiyyəti vəsaitin qanunla onlara məxsus olduğunu bəyan edir və bildirir ki, rəsmi Daşkəndin vəsaitdən istədiyi kimi yararlanmaq hüququ var. ABŞ Dövlət Departamenti Gülnarə Kərimovanın pullarının taleyini çözməyi Ədliyyə Nazirliyinə tapşırsa da, burada, hələ ki, məsələ həllini tapmayıb.

Bu vəsaitlə bağlı ölkələrarası danışıqlarda razılıq əldə olunmasa, ABŞ məhkəməsi pulların müsadirə edilməsinə qərar verə bilər.

Gülnarə Kərimovanın fəaliyyəti ilk dəfə 2012-ci ildə İsveç jurnalistlərini şübhələndirib. Onlar İsveçdəki “TeliaSonera” şirkətinin Özbəkistanda “Ucell” brendiylə fəaliyyət göstərən müəssisəsi ilə bağlı korrupsiya faktlarını üzə çıxarıblar. Bir il sonra ABŞ və bir neçə Avropa ölkəsi Özbəkistanda iri maliyyə fırıldaqlarını araşdırıblar. Telekommunikasiya şirkəti “TeliaSonera”, Rusiyanın “VimpelCom” və “MTC”nin Gülnarə Kərimovanın nəzarət etdiyi ofşor firmalar vasitəsilə şübhəli pül köçürmələri diqqət çəkib.

İndi Gülnarə Kərimovanın nə harada olması, nə də taleyi bilinmir. O, atasının dəfn və yas mərasimində də gözə dəyməyib.Gülnarə Kərimovanın beynəlxalq korrupsiya sövdələşmələri üzə çıxandan bəri ev dustağı olduğu bildirilir.

 

Bastainfo.com



This post has been seen 1 times.

One thought on “Gülnarənin 850 milyon dollarının taleyi…

  • 02.12.2016 at 02:37
    Permalink

    Why users still use to read news papers when in this technological world everything is accessible on web?|

    Reply

Bir cavab yazın

Sizin e-poçt ünvanınız dərc edilməyəcəkdir.

%d bloqqer bunu bəyənir: