Mixail Saakaşvili istefa verib

Gürcüstanın sabiq prezidenti, Odessanın qubernatoru olan Mixail Saakaşvili istefa verib.

O, qubernator postundan istefasını Saakaşvili özü elan edib:

“Mən istefa vermək və mübarizənin yeni mərhələsinə başlamaq istəyirəm. Əliboş qalmayacam, yorulmayacam. Qoy onlar məndən xilas olduqlarını düşünməsinlər. Mən bacardığım qədər gedən, və lazım olan qədər də davam edən bir əsgərəm. Tam qələbə, Ukraynanı bu zibildən, korrupsiya çirkabından xilas üçün lazım olan qədər…”

Saakaşvili Ukrayna prezidentinin ünvanına sərt  ittihamlar səsləndirib. O, P. Poroşenkonu cinayətkar “klan”ları himayə etməkdə günahlandırıb:

“Poroşenko ya Yanukoviç? Xalq üçün nə fərqi var ki, onları kim talan edəcək? Prezident Poroşenko deyirdi ki, ona Yatsenyuk mane olurdu. Biz “Təmizlik naminə” hərəkatını yaratdıq və Yatsenyukdan xilas olmaq üçün ona yardım etdik. Lakin prezident özü şəxsən Odessa vilayətində iki korrupsioner və kriminal klanı dəstəkləyir”.

Qafqazinfo xarici KİV-lərə istinadən qeyd edir ki, qubernatorun köməkçisi Darina Çij prezident Saakaşvilinin istefası ilə bağlı ərizəni imzalayana kimi o, vəzifəsində qalacaq və Odessanı tərk etməyi hələ ki, planlaşdırmır.

 

bastainfo.com

%d bloqqer bunu bəyənir: