Müsavat başqanı çempionları mükafatlandırdı

Bu gün Müsavat Partiyasının başqanı Arif Hacılı tanınmış vəkil Elton Quliyevin xatirəsinə həsr olunmuş futbol turnirinin qalibi olmuş Müsavat Gənclər Təşkilatının komandasının üzvlərinə təltif plaketləri təqdim etdi.

Arif Hacılı gənc müsavatçılara baxımlı oyun və qələbəyə görə təşəkkürünü bildirdi.

“Bu, həm də siyasi qələbə idi”, – Arif Hacılı vurğuladı.

Səmimi ortamda keçən tədbirdə Müsavat başqanının müavinləri Elman Fəttah və Tofiq Yaqublu Elton Quliyev haqqında xatirələrini bölüşdülər.

Komandanın baş məşqçisi, MGT sədri Əbülfəz Sadıxbəyli tamaşaçı dəstəyi və diqqət olmadan bu qələbənin çətin olacağını dedi, komanda adından partiya rəhbərliyinə təşəkkürünü  bildirdi.

Qeyd edək ki, yarimfinalda Musavat “Nida” təşkilatına, VHP isə AXCP-yə qalib gələrək finala vəsiqə qazanmışdılar. 

Tennis Akademiyasının arenasında keçirilən final oyununda isə Müsavatçı gənclər VHP üzərində 2:1 hesabı ilə qələbə qazanaraq turnirin qalibi olublar.

 

Bastainfo.com 

%d bloqqer bunu bəyənir: