Rusiyanın iqtisadi inkişaf naziri həbs edildi

İstintaq Komitəsinin (İK) rəsmi məlumatına görə Rusiyanın iqtisadi inkişaf naziri Aleksey Ulyukayevə qarşı rüşvətalma ittihamı ilə cinayət işi qaldırılıb.

İK-in saytında dərc olunmuş xəbərdə deyilir ki, Ulyukayev 2016-cı il noyabrın 14-də Rosneft şirkətindən 2 milyon dollar məbləğində rüşvət almaqda ittiham olunur.

Qeyd olunur ki, nazir bu pulun müqabilində Rosneftə onun Başneft şirkətinin dövlət səhmlərini alması üçün müsbət rəy verib.

Məlumatda bildirilir ki, 2016-cı il, noyabrın 15-də Rusiya Federal Təhlükəsizlik Xidmətinin (FTX) apardığı kompleks operativ tədbirlərin nəricəsində Rusiya Federasiyasının İstintaq Komitəsinin xüsusilə mühüm işlər idarəsi tərəfindən Aleksey Ulyukayevə qarşı cinayət işi açılıb.

Ulyukayev hazırda saxlanıb və İK ona qarşı həbs qətimkan tədbirinin tətbiq olunmasını planlaşdırır.

İnterfax agentliyi adı çəkilməyən mənbənin məlumatına əsasən bildirir ki, Ulyukayev rüşvət aldığı vaxt həbs olunub.

Xəbərdə deyilir ki, Ulyukayevə “rüşvət pulları” istintaq eksperimenti zamanı verilib.

Bu məlumata əsasən Rosneft şirkətinin rəhbərliyinə qarşı heç bir tədbir görülməyib.

Peskov Putini yuxudan qaldırmayıb

Rusiya prezidentinin mətbuat katibi Dmitri Peskov hələlik bu barədə prezidentə məruzə etmədiyini deyib.

“İndi gecədir, heç bilmirəm prezidenti məlumatlandırımmı?” – deyib Peskov TASS agentliyinə.

Peskov deyib ki, “bu ciddi sübutlar tələb edən ciddi ittihamlardır”.

Hələlik hadisə barədə Rusiya hökuməti də heç bir açıqlama verməyib.

Bundan bir ay əvvəl Rosneft Başneft şirkətinin dövlət səhm paketlərini aldığı və buna görə federal xəzinəyə 329 milyard rubl keçirdiyini bildirmişdi.

Səhm paketinin niyə məhz Rosneftə satıldığı barədə şərh verən Ulyukayev demişdi ki, Rosneft bu məsələ ilə bağlı təklif verən yeganə şirkət idi və səhm paketi üçün ən yüksək qiyməti verməyə razılaşmışdı.

Aleksey Ulyukayev bəyan etmişdi ki, Rosneftin verdiyi pul səhmlərin bazar qiynətindən 20 faiz artıq idi.

 

Bastainfo.com

2 thoughts on “Rusiyanın iqtisadi inkişaf naziri həbs edildi

  • 30.11.2016 at 19:05
    Permalink

    663086 29105good day, your internet site is cheap. I do many thanks for succeed 886392

    Reply

Bir cavab yazın

Sizin e-poçt ünvanınız dərc edilməyəcəkdir.

%d bloqqer bunu bəyənir: