Erdoğan: “Türkiyə Şanxay blokuna qoşula bilər”

Prezident Recep Tayyip Erdogan bildirib ki, Türkiyənin Avropa İttifaqına qoşulmağa ehtiyacı yoxdur və əvəzində Çin, Rusiya və Mərkəzi Asiya ölkələrinin üstünlük təşkil etdiyi təhlükəsizlik blokuna qoşula bilər.

NATO üzvü olan Türkiyənin 11 il ərzində aparılan danışıqlardan sonra Aİ-ə üzv olması perspektivləri hazırda daha uzaqda görünür.

Avropa liderləri Türkiyəni tez-tez demokratik azadlıqların vəziyyətinə görə tənqid edirlər, Ankara isə Qərb liderlərinin “amiranə tonda danışmasını” çətinliklə qəbul edir, Reuters yazır.

“Türkiyə özünü sərbəst hiss etməlidir. Deməməlidir ki, “nəyin bahasına olursa-olsun Aİ-də olmalıyam”. Bu mənim fikrimdir”, Hurriyet qəzeti Pakistan və Özbəkistan səfərindən yenicə dönmüş cənab Erdoğandan sitat gətirir.

“Niyə Türkiyə Şanxay Beşliyində olmamalıdır? Mən bu barədə cənab Putinə, cənab Nazarbayevə və Şanxay Beşliyində olanlara dedim”, o əlavə edib.

“Ümid edirəm ki, əgər işlər yaxşı gedərsə, mən Türkiyənin Şanxay Beşliyinə üzvlüyü barədə düşünəcəyəm. Bu Türkiyəyə daha da sərbəstlik verəcək”.

Çin, Rusiya və dörd Mərkəzi Asiya ölkəsi – Qazaxıstan, Qırğızıstan, Tacikistan və Özbəkistan 2001-ci ildə Şanxay Əməkdaşlıq Təşkilatını yaradıb. Təşkilat radikal İslamdan gələn təhdidlər və Əfqanıstandan qonşu ölkələrə yayılan narkotik qaçaqmalçılığı ilə mübarizə edən regional təhlükəsizlik bloku rolunu oynayır.

Türkiyə 2013-cü ildə bu təşkilatda dialoq üzrə tərəfdaş statusunu alıb.

 

Bastainfo.com



This post has been seen 14 times.

2 thoughts on “Erdoğan: “Türkiyə Şanxay blokuna qoşula bilər”

  • 03.12.2016 at 12:17
    Permalink

    Hey there! Someone in my Facebook group shared this site with us so I came to give it a look. I’m definitely loving the information. I’m book-marking and will be tweeting this to my followers! Great blog and great design and style.|

    Reply
  • 07.12.2016 at 16:32
    Permalink

    I’m amazed, I must say. Rarely do I come across a blog that’s both equally educative and amusing, and let me tell you, you have hit the nail on the head. The issue is something that too few men and women are speaking intelligently about. Now i’m very happy I came across this in my hunt for something relating to this.|

    Reply

Bir cavab yazın

Sizin e-poçt ünvanınız dərc edilməyəcəkdir.

%d bloqqer bunu bəyənir: