Ərəb ölkələrinin Qətəri boykot etməsinə ABŞ-dan reaksiya

Mavritaniya Qətərlə diplomatik əlaqələri kəsdiyini bəyan edib. Bundan əvvəl BƏƏ, Misir, Bəhreyn, Səudiyyə Ərəbistanı, Yəmən, Liviya, Maldiv adaları və Mavriki Qətər ilə diplomatik əlaqələri kəsib. Həmçinin bəzi ölkələr Qətərlə iqtisadi əlaqələri də dayandırıb. O cümlədən İordaniya da Doha ilə diplomatik münasibətləri aşağı səviyyəyə endirdiyini bəyan edib.

Onlar Qətəri terrorizmi dəstəkləməkdə ittiham edirlər.

Birləşmiş Ştatlar Körfəz ölkələri və Misirin Qətərlə aralarındakı fərqliliklər üzərində işləməyə çağırıb, – Amerikanın səsi məlumat verir.

Bu ölkələrin hamısı İslam Dövləti və İranın nüfuzunu artırmasına qarşı mübarizədə ABŞ-ın müttəfiqidir. ABŞ rəsmiləri deyir ki, əlaqələrin kəsilməsi bu səylərə zərər vurmayacaq.

Bazar ertəsi ABŞ dövlət katibi münaqişədəki tərəfləri danışıqlar aparmağa və aralarındakı məsələni həll etməyə çağırıb. Amma Tillerson, onların hər birinin terrora qarşı birgə mübarizəyə sadiq qaldığını da qeyd edib.

Mən bunun regionda və ya bütün dünyada terrora qarşı birgə apardığımız mübarizəyə təsiri olacağını düşünmürəm. Qeyd etdiyiniz bütün tərəflər terror və İŞİD-ə qarşı mübarizədə birgə işləyir və bunu Riyadda keçirilən sammitdə də bir daha dilə gətiriblər

“Mən bunun regionda və ya bütün dünyada terrora qarşı birgə apardığımız mübarizəyə təsiri olacağını düşünmürəm. Qeyd etdiyiniz bütün tərəflər terror və İŞİD-ə qarşı mübarizədə birgə işləyir və bunu Ər-Riyadda keçirilən sammitdə də bir daha dilə gətiriblər”, Tillerson deyib.

ABŞ müdafiə naziri Ceyms Mattis isə deyib ki, İranın regiondakı sabitliyi pozmağa çalışdığı açıq-aşkardır.

“Onlar Suriyadan tutmuş Yəmənədək bunu etməyə çalışır. Suriyada Əsəd İrana görə hakimiyyətdə qalır, Yəməndə isə onlar müharibənin davam etməsini təmin edir. Bu isə milyonlarla insanın dəhşətli vəziyyətdə, aclıq, zorakılıq və səhiyyə problemlərinin olduğu bir mühitdə yaşamasına gətirib çıxarır. Elə buna görə də, İranın rolunun böyük olduğunu düşünürəm”, deyə Mattis bildirib.

Qətərlə Körfəz regionundakı qonşuları arasına münaqişənin olması yeni bir hal deyil.

Cerald Fierstin: “BƏƏ və Səudiyyə Ərəbistanı Qətərin Müsəlman Qardaşlığı ilə əlaqələri eləcə də misirli cihadçı vaizi ölkəyə dəvət etmək istəyinə qarşı çıxdıqlarını açıq aydın ifadə ediblər”.

Yaxın Şərq üzrə ekspert Cerald Fierstin deyir ki, gərginliklərə baxmayaraq, Qətərlə qonşuları hər zaman İranın nüfuzunu artırmasının qarsını almağın vacibliyi üzərində razılaşıblar.

Amma o həmçinin əlavə edib ki, regionda sabitliyi və təhlükəsizliyi təmin etmək üçün Körfəz ölkələri arasında birliyin olması çox mühümhdür və Birləşmiş Ştatlar hər zaman Körfəzdəki müttəfiqlərinə zidiyyətlərini aradan qaldırmağa yardım edib.

“Mən ümid edirəm ki, məsələnin həllində Küveyt və Oman müsbət rol oynayar. Ötən həftə Qətərin əmiri Şeyx Təmim Küveytə getmişdi. Düşünürəm ki, o, anlaşılmazlıqları aradan qaldırmaq üçün Küveytən yardım istəyir. Birləşmiş Ştatlar isə bunu dəstəkləməlidir”, Fierstin deyir.

Ərəb ölkələri keçmişdə də Qətərlə diplomatik əlaqələri kəsiblər. Bu bazar ertəsi həmin ölkələrin bəziləri Qətərə quru, hava və dəniz yolu ilə səyahətə də qadağa qoyublar.

Bastainfo.com

%d bloqqer bunu bəyənir: