Rusiyada korrupsiya əleyhinə mitinqdə 500 nəfər saxlanıldı

Bazar günü, iyunun 12-də, Sankt-Peterburq şəhərində korrupsiyaya qarşı etiraz aksiyasında 500 nəfər saxlanılıb.

“Basta”-nın “İnterfaks”a istinadən verdiyi xəbərə görə, bu barədə Rusiya Daxili işlər nazirliyinin mətbuat mərkəzindən bildiriblər.

Ümumilikdə mitinqdə 3,5 mindən çox insan iştirak edib. Müxalifətin Moskvada keçirdiyi mitinqdə isə 150 nəfər həbs olunub.

Bildirilir ki, Sankt-Peterburqda keçirilən razılaşdırılmamış etiraz aksiyasında 3500, Moskvada isə 4500 nəfər iştirak edib.

 


Rusiyada müxalif lider Alexei Navalnı saxlanıb. Bu haqda onun xanımı öz Twitter hesabında yazır. Bildirir ki, Navalnını polis elə öz evinin önündə saxlayıb.

Onun sözcüsü də bildirir ki, ofislərində elektriyi kəsiblər. Canlı yayım bu ofisdən edilirdi.

navalniy 2-3

***

Sankt Peterburqda “Açıq Rusiya” hərəkatından olan bələdiyyə üzvü Daniila Kenanın saxlandığı bildirilir. Hərəkatın kordinatoru Andrey Pivovarov da polisə aparılıb.

Paytaxta bir qrup gənc  “Pozor! Pozor!”, “Putinsiz Rusiya!” şuarlarını səsləndiriblər. Polis şüar səsləndirən və əllərində Rusiya bayrağı qaldıran etirazçıları zorakılıqla həbs edib.

***

Moskvada polis Tverskaya küçəsinə girişi yerli vaxtla saat 12-yə qədər əngəlləyib. Həmin küçəylə kəsişən küçələrə də giriş məhdudlaşdırılıb.

***

Rusiya polisi ölkənin şərqində mintinq keçirmək istəyən bir neçə adamı saxlayıb.

İyunun 12-də Blagoveshchensk şəhərində azı 4 nəfərin həbs edildiyi bildirilir.

Yelri medianın yazdığına görə Moskva ilə 7 saat fərqi olan Vladivostokda polis və yüzlərlə nüamişçi arasında qarşıdurma olub. Videogörüntülərdə dəbilqəli polis “Ar olsun!” şüarı qışqıran iki gənci sürüyə-sürüyə aparır.

 

***

Navalnı mitinqi Moskvanın mərkəzində keçirəcəyini deyib

Rusiyanın müxalifət lideri Aleksey Navalnı iyunun 12-nə təyin edilmiş antikorrupsiya etiraz mitinqinin yerini dəyişdiyini elan edib.

Navalnı bildirib ki, mitinq hökumətin icazə verdiyi yerdə yox, Moskvanın mərkəzindəki Tverskaya küçəsində keçiriləcək. Bu, Navalnı və tərəfdarları ilə hakimiyyət arasında qarşıdurma yarada bilər.

Navalnı bu qərarını iyunun 11-də aksiyaya 24 saatdan da az qalanda bəyan edib.

İyunun 12-də bütün Rusiya boyunca antikorrupsiya mitinqlərinin keçirilməsi planlaşdırılıb.

Müxalifət lideri qərarını onunla izah edib ki, hakimiyyət etirazçılara mitinq avadanlığı, səhnə və səsucaldanlar verməkdən imtina edib.

AzadlıqRadiosu bildirir ki, mitinq yerinin dəyişdirilməsi etirazçılar və Moskva polisi arasında zorakı toqquşmaya səbəb ola bilər. Moskva polisi artıq mümkün “təxribatlar” barədə xəbərdarlıq edib.

Картинки по запросу navalny

Moskva polisinin sözçüsü İnterfax agentliyinıə deyib ki, “hüquq-mühafizə orqanları etirazçılar tərəfindən bütün qanun pozuntularına qarşı sərt tədbir görəcək”.

Navalnının martın 26-da keçirdiyi etiraz aksiyaları əsnasında minədək müxalifət tərəfdarı saxlanmışdı.

Həmin etiraz aksiyaları onlarda çox sayda gənc və yeniyetnin iştirakı ilə yadda qalıb.

Navalnının özü həmin aksiyadan sonra inzibati qaydada 15 günlüyünə həbs olunmuşdu.

Müxalifət lideri bildirib ki, iyunun 12-dəki aksiya Rusiyanın 200-dək şəhərində keçirləcək.

Navalnı deyib ki, “18 ildir hakimiyyət taxt-tacında oturanlar heç nəyi dəyişməyi planlaşdırmırlar”.

Moskva hakimiyyət orqanları Navalnı və tərəfdarlarına aksiyanın keçirilməsi üçün Moskvanın mərkəzindən kənarda yerləşən Saxarov prospektini vermişdilər.

Müxalifət aksiya üçün Moskvanın mərkəzində, Kremlin yaxınlığında yer üçün müraciət etmişdi.

Lakin paytaxt hökuməti bildirmişdi ki, iyunun 12 Rusiya günüdür və mitinq əvvəlcədən planlaşdırılmış rəsmi tədbirləri poza bilər.

Navalnı 2018-ci il prezident seçkisində namizəd olmaq niyyətini bildirib. Lakin belə görünür, ona bunu etmək icazəsi verilməyəck, çünki Navalnının üstündə üç kriminal məhklumluq var.

İyunun 12-də keçirləcək mitinqin ərəfəsində Navalnının Rusiyanın baş naziri Dmitri Medvedevi korrupsiyada ittiham edən videosu bəzi hakimiyyət saytlarında görünüb.

Prokurorluq bildirib ki, sözü gedən internet saytlarına haker hücumu olub.

 

%d bloqqer bunu bəyənir: