Əfqan Muxtarlı məhkəməyə aparıldı – Yenilənib

Oktyabrın 4-də Bakının Nəsimi rayon Məhkəməsi vəkilin jurnalist Ətfqan Muxtarlı barədə seçilmiş həbs qətimkan tədbirnin ev dustaqlığı ilə əvəz edilməsi barədə vəsatətini təmin etməyib. Bu barədə Amerikanın Səsinə vəkil Zübeydə Sadıqova bildirib.

***

“Bu gün Əfqan Muxtarlı ilə görüşmək üçün 1 saylı Bakı İstintaq Təcridxanasına getmişdim. Lakin görüş vermədilər. Dedilər ki, Əfqan Muxtarlı təcridxanadan məhkəməyə aparılıb”.

Bunu “Basta”ya vicdan məhbusu, araşdırmaçı-jurnalist  Əfqan Muxtarlının vəkili Osman Kazımov deyib.

Osman Kazımov xatırladıb ki, qanunla məhbus saxlandığı təcridxanadan harasa aparılırsa, bu haqda onun vəkillərinə məlumat verilməlidir.

Vəkil Elçin Sadıqovdan aldığımız məlumata görə, Əfqan Muxtarlı Nəsimi rayon məhkəməsinə aparılıb.

“Onun barəsində seçilən həbs qətimkan tədbirinin ev dustaqlığı ilə əvəzlənməsi barədə vəsatətə baxılacaq. Prosesdə vəkil Zibeydə Sadıqova iştirak edəcək”, – Elçin Sadıqov bildirib.

 

Ə.Muxtarlı 2017-ci il mayın 29-da Tiflisdə yaşadığı evin yaxınlığında cinayət polisi geyimində olan şəxslər tərəfindən oğurlandığını və Laqodexi sərhəd keçid məntəqəsi yaxınlığında Azərbaycanın xüsusi xidmət orqanalarının əməkdaşlarına təhvil verildiyini iddia edir. Jurnalistin dediyinə görə, o Azərbaycan və Gürcüstan xüsusi xidmət və hüquq mühafizə orqanalarının birgə həyata keçirdiyi əməliyyat nəticəsində oğurlanaraq Azərbaycan hökumətinə təhvil verilirb.

Ə.Muxtarlı prezident İlham Əliyevin ailə üzvlərinin Gürcüstandakı biznesi haqqında sisilə araşdırmaların müəllifidir. Araşdırmalarda prezidentin ailə üzvlərinə məxsus şirkətlərin Gürcüstanda otel, turizm, yük daşımalarında, eləcə də Gürcüstanın bank sektorundakı payından bəhs olunub. 

Bastainfo.com

%d bloqqer bunu bəyənir: