“Sərhədsiz Reportyorlar” Merkeli Azərbaycanda jurnalistlərin həbsdən azad edilməsini tələb etməyə çağırır

“Sərhədsiz Reportyorlar” beynəlxalq hüquq müdafiə təşkilatı Almaniya kansleri Angela Merkeli Azərbaycan prezidenti ilə görüşündə jurnalistlərin azad edilməsini tələb etməyə, habelə ölkədə söz azadlığı məsələsini qaldırmağa çağırıb.

Amerikanın Səsi yazır ki, “Azərbaycan ən çox sayda media işçisinin həbsdə olduğu ölkələrə aiddir, indi orada səkkiz jurnalist və iki bloger öz işinə görə həbsdədir”, “Sərhədsiz Reportyorlar” avqustun 22-də bildirib.

Avqustun 23-də Merkelin Gürcüstan, Ermənistan və Azərbaycana səfəri başlayacaq. Onun Bakıda Azərbaycan prezidenti Əliyevlə avqustun 25-də görüşəcəyi gözlənilir.

Azərbaycan “Sərhədsiz Reportyorlar”ın sonuncu mətbuat azadlığı reytinqində 180 yerdən 163-cü yeri tutub.

 

Bastainfo.com